तत्कालिन माओवादीका सभासदको पद खारेज

काठमाडौं, १० जनवरी ,२६ पुस / संविधान सभाले तत्कालिन नेकपा माओवादीका २ सभासदको पद खारेज गरेको छ । सभाध्यक्ष सुवास नेम्वाङ्गले एकीकृत माओवादीको अनुरोधका आधारमा गठित कार्यदलको सिफारिस तथा कार्यब्यवस्था परामर्श समितिको निर्णयका आधारमा २ पद रिक्त भएको घोषणा गर्नु भएको हो । यो संगै संविधान सभासदको संख्या ५ सय ९९ भएको छ । संविधान सभा नियमावलीको नियम १ सय ४३ र १ सय ४४ बमोजिम उहाँहरु दुवै लाई सदस्य नरहने जानकारि गराउनु भएको थियो । एकिकृत माओवादीका अध्यक्ष प्रचण्डले पार्टीको नीति बिपरित कार्य गरेको र पार्टीले अनुसासनको कार्वाही गरेको पत्र पठाए पछि गठन गरिएको उप समितिले उहाँहरुको पद खारेज गर्न सकिने निष्कर्ष निकालेको थियो । संविधान सभामा उनीहरुको पद रिक्त गर्न मागगर्दै माओबादीले निवेदन दिएपछि सभासद मातृका यादव र जगत यादवको पद रिक्त भएको हो । यता आफुहरुले नयाँ दल नखोलेको र मत हासिल गरेकै दललाई पुनर्गठित गरेको जिकिर सहित पद कायमै गर्न माग गर्गै यादवद्वयले केहिदिन पहिले सर्वोच्चमा रिट दायर गर्नुभएको छ ।