इलाम,पाँचथर र तेह्रथुम १५ औं दिनपनि बन्द, जनजीवन कष्टकर

आफ्ना कार्यकर्ता रिहाइको माग गर्दै आह्वान गरेको इलाम, पाँचथर र तेह्रथुम अनिश्चितकालीन बन्द आज १५ औं दिन पुग्दा समेत नखुलेपछि त्यहाँको जनजीवन कष्टकर बन्न पुगेको छ । पक्राउ परेका आफ्ना कार्यकर्ता रिहाइको माग गर्दै एकिक्रित माओवादिले १४ दिन अगाडिदेखि गरेको बन्दका कारण यातायात बजार कलकारखाना नचल्दा जनजीवन कष्टकर बन्दै गएको छ । बन्द लम्बिएपछि दैनिक उपभोग्य सामानको अभाव हुनुका साथै महङ्गि चुलिएको छ । प्रहरीले माओवादि ताप्लेजुङ जिल्ला सेक्रेटरी खेलप्रसाद बुढाथोकी सहित १ दर्जनलाई पक्राउ गरेको विरोधमा माओवादिले गत पुष १३गतेदेखि ३ जिल्ला बन्द गर्दै आएको छ ।