प्रजिअका अंगरक्षकको गोली हानि हत्या

पर्साका सहायक प्रमुख जिल्ला अधिकारी बलबहादुर मल्लका अंगरक्षक प्रहरी जवान आनन्दराज खड्कालाई संयुक्त जनतान्त्रिक तराई मुक्ति मोर्चाका कार्यकर्तालले गोली हानी हत्या गरेको छ। गोली लागी गम्भीर घाइते भएका खड्कालाई उपचारका क्रममा अस्पताल लैजाने क्रममा उनको बाटैमा मृत्यु भएको हो । गोली हान्ने व्यक्ति भने फरार छ। गोली प्रहारबाट गम्भीर घाइते प्रहरी जवान खड्काको वीरगञ्जस्थित नारायणी उपक्षेत्रीय अस्पतालमा उपचार लगिदै गर्दा मृत्यु भएको हो । सहायक प्रमुख जिल्ला अधिकारीको निवासबाट बाहिर निस्कने क्रममा अंगरक्षक खड्कामाथि संयुक्त जनतान्त्रिक तराई मुक्ति मोर्चाका कार्यकर्ताले अन्दाधुन्द गोली प्रहारगरेको थियो। खड्काको कानको छेउमा गोली लागेको थियो।